ഷാരൂഖ് കൊ പകട്നാ മുഷ്കില് ഹീ നഹീ, നാ മുംകിന് ഹെ
അങ്ങനെ ഷാരൂഖ് ഖാനും മില്യണയറായി. ഇതിലെന്തു അത്ഭുതമെന്നായിരിക്കും. സ്വന്തമായി ഐ പി എല് ടീമുള്ള താരം വര്ഷങ്ങള്ക്കു മുമ്പേ തന്നെ ഇതൊക്കെ ആയതല്ലേ എന്നായിരിക്കും ചോദ്യം. ഇപ്പോള് ഇതിങ്ങനെ കൊട്ടിഘോഷിക്കുന്നത് നിങ്ങള് സല്ലു ഫാന് ആയതുകൊണ്ടല്ലേ എന്നും ചോദിക്കുന്നവരുണ്ട്.
എന്നാല് ഈ കാര്യത്തില് അല്പം വ്യത്യാസമുണ്ട്. തീര്ച്ചയയും ഈ കാര്യത്തില് ഇതുവരേയും സല്ലുവോ ബിഗ്ബിയോ ഒന്നും കിംഗ് ഖാന്റെ അടുത്തു പോലുമെത്തിയിട്ടില്ല. സംശയമുണ്ടെങ്കില് നിങ്ങള് ട്വിറ്ററില് ഒരു അക്കൗണ്ട് ഓപണ് ചെയ്ത് ഷാരൂഖിന്റെ പേജ് എടുത്തുനോക്കൂ. ഷാരൂഖ് മില്യണരായത് ട്വിറ്ററിലെ ഫോളോവേര്സിന്റെ കാര്യത്തിലാണ്. ഇന്ത്യയില് നിന്നും ഇതുവരെയായി നാലുപേര്ക്കു മാത്രമാണ് ട്വിറ്ററിലെ മില്യണയര് ഫോളോവേര്സ് പട്ടം കിട്ടിയിട്ടുള്ളത്.
ട്വന്റി ട്വന്റി മാസ്റ്റര് ബ്ലാസ്റ്റര്
ഒന്ന് ഷാരൂഖിന്റെ ഡോണ് നായിക പ്രിയങ്ക ചോപ്ര. മറ്റു രണ്ടു പേര് ക്രിക്കറ്റ് ഇതിഹാസം സാക്ഷാല് സച്ചിന് ടെന്ഡുല്ക്കറും നമ്മുടെ തിരോന്തോരം എം പി ശശി തരൂറുമാണ്. ഇവരില് ഷാരൂഖും ശശി തരൂരും പ്രിയങ്കയുമൊക്കെ ട്വിറ്റര് തുടങ്ങിയ കാലം മുതലേ ഇതിന്റെ മെമ്പര്മാരാണ്. പക്ഷേ മാസ്റ്റര് ബ്ലാസ്റ്റര് വൈകി അംഗമായി പെട്ടെന്ന് മില്യണയറായി മാറിയ ആളാണ്. ട്വിറ്ററില് ഒരു ട്വന്റി ട്വന്റി ഇന്നിംഗ്സാണ് മാസ്റ്റര് ബ്ലാസ്റ്റര് കരസ്ഥമാക്കിയതെന്ന് ആരാധകരും പറയുന്നു.
ഏതായാലും ഈ മില്യണയര് പട്ടം ഷാരൂഖിന് ക്ഷ പിടിച്ച മട്ടാണ്. തുടര്ന്നുള്ള ട്വീറ്റില് ഷാരൂഖ് തന്റെ സന്തോഷം പ്രകടിപ്പിക്കുകയും ചെയ്തിരുന്നു. തന്റെ സുഹൃത്തുക്കളേയും ആരാധകരേയും ഉള്പ്പെടുത്തി ഒരു പാര്ട്ടി നടത്തേണ്ട ഒരുക്കത്തിലാണത്രേ കക്ഷി. ഇനി ട്വിറ്ററില് ആരാധകരുടെ കാര്യത്തില് സല്ലുവിനും കൂട്ടര്ക്കും ഷാരൂഖിനെ പകട്നാ മുഷ്കില് ഹീ നഹീ, നാ മുംകിന് ഹെ എന്നാണത്രേ കാര്യങ്ങള്.
No comments:
Post a Comment