നിവേദനം.
കടവത്തൂര്
20 ഡിസംബര് 2010
ടു,
കലക്ടര്,
കലക്ട്രേറ്റ്,
കണ്ണൂര്
ഫ്രം,
ഒരു കൂട്ടം കലാകായികപ്രേമികള്,
കടവത്തൂര്,
കണ്ണൂര് ജില്ല.
സര്,
കണ്ണൂര് ജില്ലയിലെ തലശേരി താലൂക്കിലെ തൃപ്പങ്ങോട്ടൂര് പഞ്ചായത്തിന്റെ പരിധിയില് വരുന്ന കടവത്തൂര് എന്ന പ്രദേശത്തെ അന്തേവാസികളാണ് ഞങ്ങള്. കേരളോത്സവം പോലുള്ള പരിപാടികളുടെ ഭാഗഭാക്കാവാനും മറ്റും ഏറെ ആഗ്രഹമുള്ള ഒരു കൂട്ടം ചെറുപ്പക്കാര് ഇവിടെയുണ്ട്. എങ്കിലും കഴിഞ്ഞ കുറച്ചു വര്ഷങ്ങളായി ഇവിടെ കേരളോത്സവം നടത്താന് അധികൃതര് താല്പര്യം കാണിക്കാത്തതില് അതീവനിരാശരാണ് ഞങ്ങള്. തൊട്ടടുത്തുള്ള മറ്റു പഞ്ചായത്തുകളിലെല്ലാം കേരളോത്സവം നടത്തുന്നതിന്റേയും മറ്റും വാര്ത്തകള് പത്രങ്ങളിലും ചാനലുകളിലും കാണുമ്പോള് അസൂയയോടെയും ദു:ഖത്തോടെയും നോക്കിനില്ക്കാനേ ഞങ്ങള്ക്കു കഴിയുന്നുള്ളൂ. പഞ്ചായത്ത് സെക്രട്ടറിയോടും മെംബര്മാരോടും അന്വേഷിച്ചപ്പോള് മേഖലയിലെ സംഘര്ഷാവസ്ഥയാണ് കാരണമെന്ന് പറയുന്നു. എന്നാല് കഴിഞ്ഞ കുറച്ചു വര്ഷങ്ങളായി ഇവിടെ പറയത്തക്ക സംഘര്ഷങ്ങളൊന്നുമില്ല താനും. കേരളോത്സവം നടത്തണമെന്ന ആവശ്യവുമായി പഞ്ചായത്തിനെ സമീപിച്ചപ്പോള് കടുത്ത അനാസ്ഥയും താല്പര്യക്കുറവുമാണ് കാണാന് കഴിഞ്ഞത്. കേരളോത്സവം എന്നാല് എന്താണെന്നറിയാത്ത സെക്രട്ടറിയും മെംബര്മാരുമാണ് ഇവിടെ. അതിനാല് ബഹുമാനപ്പെട്ട കലക്ടര് നേരിട്ടിടപെട്ട് പഞ്ചായത്തിലെ ബ്ലോക് മെംബര് അടക്കമുള്ള എല്ലാ ഉത്തരവാദപ്പെട്ടവര്ക്കും അടിയന്തിര ബോധവല്ക്കരണക്ലാസ് നടത്തുകയോ അതല്ലെങ്കില് സ്ഥിരമായി കേരളോത്സവം നടത്താറുള്ള തൊട്ടടുത്ത പെരിങ്ങളം പഞ്ചായത്തോട് കടവത്തൂര് പ്രദേശത്തെ ചേര്ക്കുകയോ ചെയ്യണമെന്ന് അപേക്ഷിക്കുന്നു.
എന്ന്,
ബഹുമാനപൂര്വ്വം,
ഒരു കൂട്ടം കലാകായികപ്രേമികള്,
കടവത്തൂര്.
ഞാന് ഈ നിവേദനത്തെ പിന്ധാങ്ങുന്നു..
ReplyDelete