രജനി തിരിച്ചുവരവിനൊരുങ്ങുന്നു.
അസുഖകാലത്തെ തരണം ചെയ്ത് സ്റ്റൈല് മന്നന് രജനീകാന്ത് തിരിച്ചുവരവിനൊരുങ്ങുന്നു. വിദഗ്ധചികിത്സയ്ക്കായി ഇപ്പോള് ലണ്ടന് ഹോസ്പിറ്റലിലുള്ള അദ്ദേഹത്തെ ഡിസ്ചാര്ജ് ചെയ്ത വാര്ത്തയാണ് ആരാധകരെ ആവേശം കൊള്ളിക്കുന്നത്. ആരോഗ്യനില വഷളായതിനെ തുടര്ന്ന് കഴിഞ്ഞ ഒരു മാസത്തോളമായി അദ്ദേഹം വിവിധ ആശുപത്രികളിലായിരിക്കുമ്പോള് ഊണും ഉറക്കവുമുപേക്ഷിച്ച് പൂജയിലും പ്രാര്ഥനയിലും ഉപവാസത്തിലുമായി കഴിഞ്ഞിരുന്ന ആരാധകര്ക്ക് ചെറുതൊന്നുമല്ല, ഈ വാര്ത്ത ആശ്വാസം പകരുന്നത്. അത്ഭുതങ്ങളൊന്നും സംഭവിച്ചില്ലെങ്കില് തമിഴകത്തെ പുതിയ സൂപ്പര് താരവും സൂര്യയുടെ അനുജനുമായ കാര്ത്തിയുടെ അടുത്ത മാസം ഏഴാം തീയ്യതി നടക്കുന്ന വിവാഹസല്ക്കാരത്തില് രജനി പങ്കെടുക്കുമെന്നും പറഞ്ഞു കേള്ക്കുന്നുണ്ട്. കൂടാതെ മരുമകന് ധനുഷിന്റെ ദേശീയ അവാര്ഡ് നേട്ടം ആഘോഷിക്കാനും പദ്ധതികളുണ്ട്.
റാണ
അസുഖമോചിതനായ വാര്ത്ത വന്നു തുടങ്ങിയതു മുതല് മെഗാസ്റ്റാറിന്റെ വരാന് പോവുന്ന ബിഗ് ബജറ്റ് ചിത്രം റാണയെക്കുറിച്ചുള്ള ഊഹാപോഹങ്ങള്ക്കും വിരാമമായിരിക്കുകയാണ്. ഇടയ്ക്ക് റാണയില് നിന്നും രജനി പിന്മാറിയേക്കും എന്നു വരെ വാര്ത്തകളുണ്ടായിരുന്നു. കുറച്ചു ദിവസത്തെ വിശ്രമത്തിനു ശേഷം താന് തന്നെ റാണയില് അഭിനയിക്കുമെന്ന് രജനി സ്വന്തം കൈപ്പടയിലെഴുതിയ കത്തിലൂടെ വ്യക്തമാക്കിയിട്ടുണ്ട്. ഒന്നരമാസം മുമ്പ് ഷൂട്ടിങ്ങിനിടയിലാണ് രജനിയുടെ ആരോഗ്യസ്ഥിതി വഷളായതും സിങ്കപ്പൂരിലുള്ള മൗണ്ട് എലിസബത്ത് സെന്റര് ആശുപത്രിയിലും തുടര്ന്ന് തുടര്പരിശോധനകള്ക്കായി ലണ്ടന് ആശുപത്രിയിലും അഡ്മിറ്റ് ചെയ്തത്.
യെന്തിരന്റെ തകര്പ്പന് വിജയത്തിനു ശേഷം, രജനിയുടെ ബിഗ് ബജറ്റ് ചിത്രമാണ് റാണ. കെ എസ് രവികുമാര് ആണ് സംവിധാനം ചെയ്യുന്നത്. വന് പ്രതീക്ഷകളോടെയാണ് ലക്ഷക്കണക്കിനു വരുന്ന രജനി ആരാധകര് റാണ പൂര്ത്തിയാവുന്നതും കാത്തിരിക്കുന്നത്. 100 കോടിയാണ് ബജറ്റ്. മൂന്ന് വ്യത്യസ്ത ഗെറ്റപ്പുകളിലായാണ് രജനി ഇതില് പ്രത്യക്ഷപ്പെടുന്നത്. താരനിര്ണയം ഇതുവരേയും പൂര്ത്തിയായിട്ടില്ലാത്ത ചിത്രത്തില് ദീപിക പദുക്കോണും അനുഷ്കയുമാണ് നായികമാര്. നേരത്തെ രേഖയും വിദ്യ ബാലനും നായികമാരാവാനുള്ള ഓഫര് നിരസിച്ചിരുന്നു. രേഖയ്ക്കു പകരം ബോളിവുഡിലെ ഡ്രീം ഗേളായ സാക്ഷാല് ഹേമ മാലിനി തന്നെ എത്തുമെന്നും പറയപ്പെടുന്നു. ഇതിനിടെ വിദ്യാ ബാലനു പകരം ദീപിക പദുക്കോണിനൊപ്പം നായികയായി തെലുങ്കിലെ സൂപ്പര് നായിക ഇല്യാന വരുമെന്നും സംസാരമുണ്ട്. ഏതായാലും ഈ ബ്രഹ്മാണ്ഠചിത്രത്തിലെ തുടര് അഭിനയത്തിന് പൂര്ണ ആരോഗ്യവാനായ രജനി എത്തുന്ന ത്രില്ലിലാണ് സംവിധായകന് കെ എസ് രവികുമാറും ലോകമെങ്ങുമുള്ള ലക്ഷക്കണക്കിന് ആരാധകരും.
No comments:
Post a Comment