വില്ല പണിയുമ്പോഴും വാങ്ങുമ്പോഴും.
താമസിക്കാന് ഒരിടം എന്നത് ഫ്ളാറ്റുകളിലേക്കും ശേഷം വില്ലകളിലേക്കും
ചേക്കേറിയിരിക്കുന്നു നാട്ടില്. എല്ലാ വിധ ആധുനികസൗകര്യങ്ങളും നല്കുന്ന
�റെഡി ഫോര് ഒക്കുപ്പൈ�വില്ലകള് കൊച്ചി, കോഴിക്കോട്, തിരുവനന്തപുരം
തുടങ്ങി പ്രധാനനഗരങ്ങളിലും ഗുരുവായൂര്, തൃപ്പൂണിത്തുറ തുടങ്ങി താരതമ്യേന
ചെറിയ പ്രദേശങ്ങളിലും കൂടുതലായി രംഗപ്രവേശം ചെയ്തു കഴിഞ്ഞിരിക്കുന്നു. വില്ലകള് തെരഞ്ഞെടുക്കുമ്പോള്
താമസിക്കാനായി ഒരു വില്ല തെരഞ്ഞെടുക്കുമ്പോള് സ്വാഭാവികമായും
ഓരോരുത്തരുടേയും വ്യക്തിപരമായ ഇഷ്ടാനിഷ്ടങ്ങള് പ്രതിഫലിക്കും. അവരവരുടെ
സാമൂഹ്യപരമായ ചുറ്റുപാടുകള്, വ്യക്തി ബന്ധങ്ങള് തുടങ്ങിയവയൊക്കെ
കണക്കിലെടുത്തു കൊണ്ടുള്ള ഒരു സെലക്ഷനാണ് സാധാരണഗതിയില് കണ്ടു വരാറ്.
ആദ്യകാലങ്ങളില് കുട്ടികളുടെ വിദ്യാഭ്യാസത്തിനും മറ്റും മുന്തൂക്കം
നല്കിയാണ് വില്ലകള് തെരഞ്ഞെടുത്തിരുന്നതെങ്കിലും ഇന്നത്തെ രീതി
യാത്രാസൗകര്യവും ജോലി കഴിഞ്ഞ് അര്ധരാത്രിയിലെ താമസസ്ഥലത്തേക്കുള്ള
പോക്കുവരവുകള് കൂടി കണക്കിലെടുത്താണ്. മുന്തലമുറ 55 വയസില്,
റിട്ടയര്മെന്റിനു ശേഷം മാത്രമേ വീടിനെക്കുറിച്ച്
ചിന്തിച്ചിരുന്നുള്ളൂവെങ്കില്, കാലക്രമേണ അത് 45 വര്ഷമായി. എന്നാല്
ഇന്നത്തെ രീതിയനുസരിച്ച് വീട് വയ്ക്കാനുള്ള ശരാശരി പ്രായം 35 വയസായി.
റെഡി ടു ഒക്കുപ്പൈ വില്ലകള് തിരഞ്ഞെടുക്കുമ്പോള് പ്രധാനമായും അവരുടെ
കമ്യൂണിറ്റി, സുഹൃത്തുക്കള്, ബന്ധുക്കള് എന്നിങ്ങനെയുള്ള ഘടകങ്ങള്ക്കു
കൂടി പ്രാധാന്യം നല്കിവരുന്നു. പഴയതു പോലെ കുട്ടികളുടെ
വിദ്യാഭ്യാസത്തെക്കുറിച്ചും മറ്റും അധികം ചിന്തിക്കേണ്ടി വരുന്നില്ല.
ആരാധനാലയങ്ങളിലേക്കു പോവാനുള്ള സൗകര്യവും മറ്റും ഇന്ന് വില്ല
തെരഞ്ഞെടുക്കുന്നതില് പ്രധാന പരിഗണനയായി വരുന്നുണ്ട്. ഇത്രയും
കാര്യങ്ങള് ആലോചിച്ച് തീരുമാനിച്ചുറപ്പിച്ചതിനു ശേഷമാണ് പ്ലോട്ട്
തെരഞ്ഞെടുക്കുന്നത്.ലോക്കേഷന് പ്രധാനം
വില്ലകള് വാങ്ങുമ്പോള് അവ സ്ഥിതി ചെയ്യുന്ന ലൊക്കേഷനും ഏറെ
പ്രാധാന്യമുണ്ട്. പ്രധാന സ്ട്രീറ്റില് നിന്നും അല്പം അകന്ന് സ്ഥിതി
ചെയ്യുന്ന സ്ഥലത്തെ വില്ലകള് തെരഞ്ഞെടുക്കുന്നതാണ് ഉത്തമം.
ഉദാഹരണത്തിന് ഒരു കോര്ണര് പ്ലോട്ടാണെങ്കില് രണ്ടുവശത്തും റോഡിനായുള്ള
സ്ഥലം നഷ്ടപ്പെടുന്നത് സ്വാഭാവികം. ഇത് തിരക്കുള്ള ഒരു തെരുവിലായി
വരികയാണെകില് ഭംഗിയും മറ്റും കുറയും. വില്ലകള്ക്ക് ഒരു ഇടുങ്ങിയ
പ്രതീതിയായിരിക്കുകയും ചെയ്യും. കൂടാതെ തെരുവിലെ വണ്ടികളുടേയും മറ്റും
ശബ്ദവും പ്രശ്നമാണ്. അതിനാല് വില്ല സ്ഥിതി ചെയ്യുന്ന ലൊക്കേഷന് ഏറെ
പ്രാധാന്യമുണ്ടെന്നു വേണം മനസിലാക്കാന്. വാസ്തു നോക്കി വില്ലകള് പണിയുന്നവരാണ് ഏതാണ്ട് മുക്കാല് പങ്കും. കാറ്റിന്റെ ഗതി, വെന്റിലേഷന് എന്നിവയെല്ലാം വാസ്തു നോക്കുന്നതു കൊണ്ടുണ്ടാവുന്ന ഗുണങ്ങളാണ്. മുറികളുടെ അളവ്, കെട്ടിടത്തിന്റെ മൊത്തത്തിലുള്ള നിര്മാണരീതി, ഉയരം, മേല്ക്കൂര പണിയാനുപയോഗിച്ച മെറ്റീരിയലുകള് എന്നിവയെല്ലാം വാസ്തു എന്ന ബില്ഡിങ് റൂളില് ശ്രദ്ധിച്ചു വരുന്നുണ്ട്.
സ്വകാര്യതയ്ക്കു മുന്തൂക്കം
കുടുംബത്തിലും കുടുംബബന്ധങ്ങളിലും വന്ന മാറ്റമനുസരിച്ച് വില്ലകളുടെ
നിര്മാണരീതിയിലും മാറ്റങ്ങള് ഏറെ വന്നിട്ടുണ്ട്. വില്ലകളില്
നടുമുറ്റമുണ്ടെങ്കില് അവിടത്തേക്ക് തുറക്കുന്ന ജനലുകളെല്ലാം
സ്വകാര്യതയ്ക്കു വേണ്ടി ഇപ്പോള് ഇല്ലാതെയായതായി കാണാം. ബഡ്ജറ്റിലെ
ഏറ്റക്കുറച്ചിലും ഇവിടെ പ്രതിഫലിക്കുന്നുണ്ട്. എങ്കിലും സര്വസാധാരണമായി
വില്ലകള്ക്കായി 30 മുതല് 35 ലക്ഷം രൂപ വരെ മുടക്കുന്നതാണ്
കണ്ടുവരുന്നത്. അഞ്ച് മുതല് ഏഴ് സെന്റ് വരെയുള്ള പ്ളോട്ടില് ചെയ്ത
വില്ലകള്ക്കാണ് സാധാരണക്കാര്ക്കിടയില് ഡിമാന്റ്. സൗകര്യം തന്നെ
പ്രധാനം. വില്ലയുടെ ഫിനിഷിങ്ങിലൊന്നും ആരും ഒരു വിട്ടുവീഴ്ചയ്ക്കും
തയ്യാറാവാറില്ല. കഴിയുമെങ്കില് വില്ല പണിതതിനു ശേഷം ഒരു അഞ്ചു
വര്ഷത്തേക്കെങ്കിലും മെയിന്റനന്സ് ഫ്രീ ആവണമെന്നാണ് വീട്ടുകാരും
ആഗ്രഹിക്കുന്നത്. വില്ല പണിയുമ്പോള് തന്നെ അവ വിറ്റു പോവാനുള്ള
ആര്കിടെക്ചര് രീതികളും പ്രയോഗിച്ചു വരുന്നുണ്ട്.ഒരേ ഡിസൈനില് ഒരു പാറ്റേണായി വരുന്നതാണ് വില്ലകളെങ്കിലും അവ കഴിയുന്നതു പോലെ വ്യത്യസ്തമാക്കാനും ഡിസൈനര്മാര് ശ്രദ്ധിക്കാറുണ്ട്. രണ്ടു വില്ലകള്ക്കിടയില് മരങ്ങള് വളര്ത്തിയും ബെഡ്റൂമുകളുടെ പൊസിഷന് മാറ്റിയും ഇത് സാധ്യമാക്കുന്നു. വീടിരിക്കുന്ന ഭൂമിയുടെ വില, മുഴുവന് ബജറ്റിന്റേയും 30 ശതമാനത്തിനുള്ളില് നിര്ത്താന് കഴിയണം.
വില്ല വ്യത്യസ്തമാക്കാം
സാധാരണഗതിയില് വീട്ടുകാര് സ്ഥിരമായി വില്ലകളില് ഉണ്ടാവണമെന്ന്
കൊതിക്കാറുള്ള പ്രധാനആവശ്യങ്ങളിലൊന്നാണ് താഴത്തെ നിലയില് ഒരു ബെഡ്റൂമും
അതിനടുത്തായി ഒരു സ്റ്റഡി റൂമും എന്നുള്ളത്. എല്ലാം ബെഡ്റൂമിനും
അറ്റാച്ച്ഡ് ബാത്റൂം ഇഷ്ടപ്പെടുന്നതു പോലെ ഒരു കോമണ് ബാത്റൂം വേറെയും
ഇഷ്ടപ്പെടുന്നവരുണ്ട്. കിച്ചണ്, പാന്ട്രി, സ്റ്റോര് എന്നിവയില്
ഏറ്റക്കുറച്ചില് വരാമെങ്കിലും വര്ക്ക് ഏരിയക്ക് സ്ഥാനഭ്രംശം വന്ന്
പാന്ട്രി ആ സ്ഥാനം കൈയേറുന്നത് കണ്ടു വരാറുണ്ട്. കൂടാതെ ഇവിടെ
പാന്ട്രിയ്ക്ക് ഒരു എക്സ്റ്റന്ഷന് എന്ന പോലെ മോഡേണ് രീതിയില്
രണ്ടോ മൂന്നോ പേര്ക്കിരുന്ന് ഭക്ഷണം കഴിക്കാന് പാകത്തില് ഒരു കൊച്ചു
ബ്രേക്ക് ഫാസ്റ്റ് ടേബിള് വരുന്നതും കാണാറുണ്ട്. വീട്ടുകാര്
രണ്ടുപേരും ജോലിക്ക് പോവുമ്പോള് ഇത് ഏറെ ഉപകാരപ്രദവുമായിരിക്കും. ഒരു
പ്രധാന ലിവിങ്ങും മുകള് നിലയില് ഒരു ഫാമിലി ലിവിങ്ങും ഏതാണ്ട് എല്ലാ
വില്ലയിലും സാധാരണയായി കണ്ടുവരാറുണ്ട്. പെയിന്റിങിന്റെയും ഫിനിഷിങ്ങിന്റേയും കാര്യത്തില് ഒരു കുറവും വരുത്താറില്ല. വിട്രിഫൈഡ് ടൈലുകളാണ് കൂടുതലായും ഉപയോഗിക്കാറ്. സാധാരണയായി ഒറ്റ നിലയിലെ ചെറിയ തരം വില്ലകളാണെങ്കില് അധികം സമയമെടുക്കില്ല. 1500 സ്ക്വയര് ഫീറ്റ് നിലയാണെങ്കില് ആറു മാസത്തിനുള്ളില് പണി പൂര്ത്തിയാവും. രണ്ടു നിലയാണെങ്കില്, (2500 സ്ക്വയര് ഫീറ്റ്) ഏതാണ്ട് ഒന്പത് മാസം മുതല് ഒരു വര്ഷം വരെയെടുക്കും സമയം. വളരെ വലുതായി ചെയ്യുന്നതിനേക്കാളും ലളിതമായി, അധികം മെയിന്റനന്സ് ഇല്ലാതെ ചെയ്ത വില്ലകളാണ് പ്രധാനമായും ആളുകള് ഇഷ്ടപ്പെടുന്നത്. ഇതിനൊപ്പം അനാവശ്യമായ സ്പേസും കുറക്കുന്നു. കൂടാതെ കിടപ്പുമുറിയില് ടി വിയും കൂടാതെ പ്രത്യേക ഹോം തീയേറ്റര് സിസ്റ്റവുമൊക്കെ വയ്ക്കുന്നവരുമുണ്ട്. .
No comments:
Post a Comment