ബിഗ് ബി അണ്ണാ ഹസാരെയാവുന്നു.
ഈ പ്രകാശ് ജായ്ക്ക് വിവാദമുണ്ടാക്കാനേ താല്പര്യമുള്ളൂ എന്നാണ് ഹിന്ദി സിനിമാലോകത്തിന്റെ പുതിയ സംശയം. ‘ആരക്ഷണ്’ എന്ന സംവരണസംബന്ധിയായ സിനിമ ഉണ്ടാക്കിയ വിവാദം ചൂടാറിയിട്ടില്ല. ദേ, വരുന്നു അദ്ദേഹത്തിന്റെ മറ്റൊരു പുതിയ സിനിമ. പേര് ‘സത്യഗ്രഹ’. അണ്ണ ഹസാരേയുടെ കഥയാണത്രേ സിനിമയുടെ ഇതിവൃത്തം. അണ്ണ ഹസാരേ ആയി നടിക്കുന്നതോ സാക്ഷാല് ബിഗ് ബിയും. തിരക്കഥയും മറ്റുമല്ലാം ഇപ്പോള് തന്നെ തുടങ്ങിക്കഴിഞ്ഞു.
അണ്ണാ ഹസാരേയും അദ്ദേഹത്തിന്റെ പുതിയ സമരമുറയുമല്ലാം സംവിധായകനേയും ബോളിവുഡിനെ ഒന്നടങ്കവും അത്ര മാത്രം ആകര്ഷിച്ചിരിക്കുന്നതിന്റെ തെളിവു കൂടിയാണ് ഈ സിനിമ. നേരത്തെ അമിതാഭ് ബച്ചന് തന്നെ അണ്ണാ ഹസാരേയുടെ ലോകñബാല് ബില്ലിന് അനുകൂലമായി പിന്തുണ പ്രഖ്യാപിച്ചിരുന്നു. അതിനൊപ്പം ആമിര് ഖാന് പോലുള്ളവര് സമരപ്പന്തലിലെത്തി അണ്ണായ്ക്ക് ആശീര്വാദങ്ങള് നല്കിയിരുന്നു.
സിനിമയില് അഭിനയിക്കുന്ന മറ്റുള്ളവരുടെ ലിസ്റ്റ് ആയില്ലെങ്കിലും അമിതാഭ് തന്നെ പ്രധാനവേഷം ചെയ്യുമെന്ന് ഉറപ്പിക്കുകയായിരുന്നു സംവിധായകന് ആദ്യം ചെയ്തത്. അണ്ണായുടെ അഴിമതിയ്ക്കെതിരെയുള്ള സമരം മാത്രമല്ല, മറ്റു പല സാമൂഹ്യതിന്മകള്ക്കും നേരെ പടവാളോങ്ങുന്ന നായകനായിരിക്കുമത്രേ സ്ക്രീനില്. യുവാക്കാള്ക്കിടയില് അണ്ണാ ഹാസാരെ സൃഷ്ടിച്ച ചലനമാണ് ഈയൊരു സിനിമ എടിക്കാന് പ്രകാശ് ജായെ പ്രേരിപ്പിച്ചത്. ഏതായാലും ഈ സിനിമ കൂടി പുറത്തുവരുന്നതോടെ കേന്ദ്രസര്ക്കാരിന്റേയും മന്മോഹന് സിങ്ങിന്റേയും ഉറക്കമില്ലാത്ത രാത്രികള് കൂടുമെന്ന് ഉറപ്പ്.
No comments:
Post a Comment