പിന്തുണ പ്രഖ്യാപിച്ചു കൊടുക്കപ്പെടും!
ഈയിടെയായി സത്യഗ്രഹമാണ് ഇന്ത്യയിലെ ഫാഷന്. മറ്റ് രാജ്യങ്ങളില് സായുധ രക്തരൂഷിത വിപ്ലവങ്ങള് ആഞ്ഞടിക്കുമ്പോള് തടിയ്ക്ക് അധികം കേടില്ലാത്ത ഈ വിപ്ലവമാര്ഗത്തിന് പിന്തുണ പ്രഖ്യാപിക്കാനുള്ള തിരക്കാണ് എല്ലാ സെലിബ്രിറ്റികള്ക്കും. പ്രത്യേകിച്ച് സിനിമാക്കാര്. ഉള്ള പ്രശസ്തി പോരാഞ്ഞ് ആരെങ്കിലും എന്തെങ്കിലും തുടങ്ങിക്കഴിഞ്ഞാല്, അപ്പോള് ഇവര് പിന്തുണ പ്രഖ്യാപിച്ചു കളയും! ദേ, അണ്ണാ ഹസാരേ സമനിനിര്ത്തിയ ഒഴിവില് ഇതാ, ഇവിടെ തമിഴ്നാട്ടിലും ഒരു സത്യാഗ്രഹം തുടങ്ങാന് പോവുന്നു. അതിനു പിന്തുണ പ്രഖ്യാപിക്കാന് മുന്നില് നിന്ന് തിരക്ക് കൂട്ടുന്നതോ, തമിഴ് സിനിമാലോകവും. സംഗതി രാജീവ് ഗാന്ധി വധക്കേസില് വധശിക്ഷ വിധിച്ചവരെ മൂന്ന് പേരേയും മോചിപ്പിക്കാനുള്ള സമരത്തെക്കുറിച്ചാണ്. അല്പം രാഷ്ട്രീയം തന്നെയെന്ന് സാരം.
മദ്രാസ് ഹൈക്കോര്ട്ട് കഴിഞ്ഞാഴ്ചയാണ് മൂന്ന് പേര്ക്കും വധശിക്ഷ പ്രഖ്യാപിച്ചത്. ഇപ്പോള് വെല്ലൂര് ജയിലിലുള്ള പേരരിവാളന്, സന്താന്, ശ്രീഹരന് ഏലിയാസ് മുരുകന് എന്നിവരെ വരുന്ന
സെപ്തംബര് 9 ന് തൂക്കിലേറ്റാനാണ് കോടതി വിധിച്ചിരിക്കുന്നത്. ഇതിനെതിരെയാണ് തമിഴ് നാട്ടിലെ സന്നദ്ധസംഘടനകളും രാഷ്ട്രീയക്കാരും വിദ്യാര്ഥികളുമടങ്ങുന്ന ജനസമൂഹം അനിശ്ചിതകാല നിരാഹാരം ആസൂത്രണം ചെയ്തിരിക്കുന്നത്. ഇതിന് പിന്തുണ പ്രഖ്യാപിക്കാനാണ് തമിഴ് സിനിമാലോകത്തിന്റെ മത്സരം. സേവ് പേരരിവാളന് എന്നാണ് എന്നാണ് ഈ കാംപയിനിന്റെ പേര്. ഏതായാലും അണ്ണാ ഹസാരേയുടെ സമരത്തിന് ഐക്യദാര്ഡ്യം പ്രഖ്യാപിച്ച് ഉപവാസമിരുന്ന താരങ്ങളൊക്കെയും ഇതിനും മുന്നിലുണ്ടാകുമോ എന്ന് കണ്ടറിയാന് കാത്തിരിക്കുകയാണ് ഫാന്സുകാരും ആവേശക്കമ്മിറ്റിയുമല്ലാം.
ellam ghandi mayam!
ReplyDelete